李英愛艷壓全場親民狂派心 蔡卓妍約老友范冰冰香港夜遊

李英愛艷壓全場親民狂派心 蔡卓妍約老友范冰冰香港夜遊

香港影壇盛事《第17屆亞洲電影大獎》日前舉行，亞洲各地電影人及影星雲集，場面星光熠熠，韓星李英愛相隔多年再訪港，以一身高貴打扮艷壓全場，狂擺心心手勢多謝粉絲熱情支持，李英愛指心情既緊張又興奮。

李英愛與日本男星鈴木亮平一齊獲頒卓越亞洲電影人大獎，李英愛更成為當晚最佳衣著得主，大受記者朋友歡迎，被要求影大合照，李英愛亦喺記者室有求必應表現親民。

梁朝偉同愛妻劉嘉玲呢日拖手行紅地氈，偉仔月尾就去德國拍新戲，事前已做足資料搜集，偉仔希望完咗頒獎典禮喺Afterparty有機會同各地電影人交流；久未亮相幕前嘅內地影星范冰冰獲邀擔任頒獎嘉賓，佢嘅粉絲一早嚟圍觀支持，冰冰狂派心心回禮，形容粉絲係「後天親人」。

同場出席仲有名導張藝謀、趙麗穎、許瑋甯、吳慷仁、蔡卓妍、梁洛施、泰國影星Win及日本男星宮澤冰魚等，蔡卓妍見老友冰冰難得嚟香港，就相約夜遊去玩；許瑋甯呢次嚟香港就抽時間去飲茶。呢日氣溫急降，林明禎、陳靜（Dada ）等依然性感上陣，Dada以一身透明裝大展好身材，亦做好防走光全措施。

#第17屆亞洲電影大獎 #李英愛 #鈴木亮平 #梁朝偉 #劉嘉玲 #范冰冰 #張藝謀 #趙麗穎 #許瑋甯 #吳慷仁 #蔡卓妍 #梁洛施 #Win #宮澤冰魚 #林明禎 #陳靜
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0